மூல நோய்க்கு கட்டாயம் சாப்பிடக்கூடாத 5 உணவுகள்..!

 1.பசையம் நிறைந்த உணவுகள்: பசையம் அதிகம் உள்ள உணவுகள் மலச்சிக்கல் மற்றும் பைல்ஸை ஏற்படுத்தும். ஏனென்றால், சில உணவுகளில் உள்ள பசையம் (புரதம்) குடல் சுவர்களில் ஒட்டிக்கொண்டு செரிமான செயல்முறையைத் தொந்தரவு செய்யும்.

கோதுமை, பார்லி போன்ற தானியங்களில் பசையம் எனப்படும் புரதம் காணப்படுகிறது. பசையம் சிலருக்கு ஆட்டோ இம்யூன் நோய்க்கு வழிவகுக்கும் மற்றும் செரிமானத்தை கடுமையாக சேதப்படுத்தும். இதனால் மலச்சிக்கல் பிரச்சனை ஏற்பட்டு, அது பின்நாளில் பைல்ஸ் நோயாக உருவெடுக்க வழிவகுக்கிறது.

2. பசும்பால் அல்லது பால் பொருட்கள்: சிலருக்கு, பசும்பால் அல்லது அதிலிருந்து தயாரிக்கப்படும் பால் பொருட்கள் மலச்சிக்கல் மற்றும் பைல்ஸ் நோயை உருவாக்கும். ஏனெனில் பசும்பாலில் உள்ள புரதமும் மலச்சிக்கலை ஏற்படுத்தக்கூடியது என பல ஆய்வுகளில் நிரூபிக்கப்பட்டுள்ளது. பசும்பாலுக்கு பதிலாக சோயா பால் பயன்படுத்தலாம்.

3. சிவப்பு இறைச்சி: சிவப்பு இறைச்சியை உட்கொள்வது மலச்சிக்கலால் ஏற்படும் மூல நோய்க்கு காரணமாக இருக்கலாம். ஏனெனில் சிவப்பு இறைச்சியில் மிக குறைவான நார்ச்சத்துக்கள் உள்ளன மற்றும் கொழுப்பின் அளவும் அதிகமாக உள்ளது. இதன் காரணமாக அதனை உடலால் எளிதில் ஜீரணிக்க முடியாமல் போகிறது. இதனால் உருவாகும் கழிவையும் வெளியேற்றுவது மிகப்பெரிய சிக்கலாக உள்ளது. எனவே மூலநோயில் இருந்து தப்பிக்க சிவப்பு இறைச்சியை குறைவாக எடுத்துக்கொள்வது நல்லது.

4.பொரித்த மற்றும் ஃபாஸ்ட் புட் உணவுகள்: பொரித்த அல்லது ஃபாஸ்ட் புட் உணவுகளை அதிக அளவில் சாப்பிடுபவர்களுக்கு பைல்ஸ் பிரச்சனை வரலாம். ஏனெனில், சிவப்பு இறைச்சியைப் போலவே, இந்த உணவுகளிலும் நார்ச்சத்து குறைவாகவும், கொழுப்புகள் அதிகமாகவும் உள்ளது. அதற்கு பதிலாக, நீங்கள் பச்சை காய்கறிகள் மற்றும் பழங்களை எடுத்துக்கொள்வது சரிவிகித உணவுக்கான சரியான தேர்வாக அமையும்.

5. ஆல்கஹால்: மதுவில் உள்ள ஆல்கஹால் உடலில் நீரிழப்பை ஏற்படுகிறது, இதனால் ஏற்படும் வறட்சி, மலச்சிக்கல் பிரச்சனையை தீவிரமாக்குகிறது. இந்த மலச்சிக்கல் பிரச்சனையானது மலம் எளிதில் வெளியேறுவதை தடுப்பதோடு பைல்ஸ் நோயையும் உண்டாக்குகிறது.

இனிய தைப்பொங்கல் திருநாள் வாழ்த்துக்கள்

🌾 சங்ககாலத்தில் அறுவடை காலத்தில் நல்ல மழை பெய்யவும், நாடு செழிக்கவும் பெண்கள் விரதத்தைக் கடைபிடிப்பார்கள். தை முதல் தினத்தில் இந்த விரதத்தை முடிப்பார்கள். நல்ல விளைச்சல் கொடுத்தமைக்காக பூமி, சூரியன், உதவிய மாடு போன்றவற்றிற்கு நன்றி தெரிவிக்கும் விதமாக சர்க்கரைப் பொங்கல் படைத்து வழிபட்டனர்.

இதுவே நாளடைவில் நான்கு தினங்கள் கொண்டாடும் பொங்கல் கொண்டாட்டமாக மாறியது.

🌾 பொங்கல் பண்டிகையைப் பொறுத்தவரையில் எக்காலத்திலும் விவசாயம் சம்பந்தபட்டதாகவே இருந்துள்ளது என்பது யாரும் மறுக்க இயலாத உண்மையாக இருந்து வருகிறது. இந்திர விழா என்ற பெயரில் இலக்கிய காலத்திலேயே இருந்துள்ளது. இப்போது போகிப்பண்டிகை, தைப்பொங்கல், மாட்டு பொங்கல், காணும் பொங்கல் என்று நான்கு நாட்கள் கொண்டாடப்படுகிறது.

🌾 இவ்விழா நாளில் பகைமை, பசி நோய் நீங்க இறைவன் பிரார்த்தனை செய்யப்பட்டது. மழைக்குரிய தெய்வம் இந்திரன், அவரை வழிபட்டால், மாதம் மும்மாரி மழை பெய்து பயிர் செழிக்கும் என்பது மக்கள் நம்பிக்கை.பொங்கல் பண்டிகையைப் பொறுத்தவரையில் எக்காலத்திலும் விவசாயம் சம்பந்தபட்டதாகவே இருந்துள்ளது என்பது யாரும் மறுக்க இயலாத உண்மையாக இருந்து வருகிறது. இந்திர விழா என்ற பெயரில் இலக்கிய காலத்திலேயே இருந்துள்ளது. இப்போது போகிப்பண்டிகை, தைப்பொங்கல், மாட்டு பொங்கல், காணும் பொங்கல் என்று நான்கு நாட்கள் கொண்டாடப்படுகிறது. இவ்விழா நாளில் பகைமை, பசி நோய் நீங்க இறைவன் பிரார்த்தனை செய்யப்பட்டது. மழைக்குரிய தெய்வம் இந்திரன், அவரை வழிபட்டால், மாதம் மும்மாரி மழை பெய்து பயிர் செழிக்கும் என்பது மக்கள் நம்பிக்கை.

தைப் பொங்கல் என்பது நமக்கு நெல்லை விளைவிக்க எவையெல்லாம் உதவியதோ அவற்றிற்கெல்லாம் நன்றிகூறி வழிபடுவது. புதிதாக விளைந்த நெல்லை அறுவடை செய்து அரிசியாக்கி பொங்கலிட்டு இயற்கைத் தெய்வத்துக்கும், சூரியன், மாடு உட்பட உதவிய எல்லாவற்றிற்கும் நன்றி செலுத்துவதே பொங்கல். இந்தப் பண்டிகை தொடர்ச்சியாக நான்கு நாட்கள், நகரம் முதல் கிராமங்கள் வரை விழாவாக கொண்டாடப்படுகிறது.

1. முதல்நாள் போகி பண்டிகை. இந்நாள் இந்திரனுக்காக ஆயர்களால் கொண்டாடப்படும் விழாவாகும்.

2. இரண்டாம் நாள் சூரியன் பொங்கள். சூரிய பகவானுக்கு நன்றி தெரிவிக்கும் விதமாக கொண்டாடப்படும் பண்டிகையாகும்.

3. மூன்றாம் நாள் மாட்டுப்பொங்கல். உழவுத் தொழிலுக்கு துணையாக விளங்கிய இயற்கைக்கும், கால்நடைகளுக்கும் நன்றி கூறும் நாளாகும்.

4. நான்காம் நாள் காணும் பொங்கல்.

🌾 அறுப்புக் களத்தில் அறுத்த நெற்கதிர்களில் சிலவற்றை அழகாகப் பின்னி ஒரு அலங்காரம் போல் செய்து (அதிலிருக்கும் நெல் மணிகளுக்கு கொஞ்சமும் சேதம் வராமல்) அதை வீட்டு முன் வாசலில் தொங்க விடுவார்கள். சிறு சிட்டுக் குருவிகள் அந்த நெற்கதிர்களை அவற்றின் மேலேயே அமர்ந்து கொத்தித் தின்னும். அப்போது அந்த நெற்கதிர்ப் பின்னல் ஆடுவது பார்க்க அந்தக் குருவி ஊஞ்சலாடுவது போல அவ்வளவு அழகாக இருக்கும்.

🌾 குருவிகளுக்காகவேதான் அவற்றைப் பின்னுவார்கள். தனக்குக் கிடைத்த உணவை மற்ற உயிரினங்களோடும் பகிர்ந்துண்ணும் தமிழனின் பெருந்தன்மை அதில் தெரியும்.

🌾 பொங்கல் பண்டிகையின் முக்கிய பங்காக இருக்கும் கரும்பானது உழைப்பின் அருமையை நமக்குக் கற்றுத்தருகிறது. அதன் மேல்பகுதி உப்புத்தன்மையுடனும், அடிக்கரும்பு இனிமை மிக்கதாகவும் இருக்கும். வாழ்க்கையும் அப்படித்தான். இளமையில் கஷ்டப்பட்டு உழைக்க எந்த வித தயக்கமும் கொள்ளக்கூடாது. அப்படியானால் தான் முதுமையில் சிரமமில்லாமல் இனியவாழ்வு வாழ முடியும். இந்த உண்மையை உணர்ந்து கரும்பைச் சுவைக்க வேண்டும். உழைத்து வாழ்வில் முன்னேற்றம் பெற கரும்பு நமக்கு ஒரு நல்ல உதாரணம் என்றால் அது மிகையாகாது.