குழந்தைகள் உங்கள் சொல்படி நடக்கவேண்டுமா ?

இக்கால
குழந்தைகளுக்கு அவர்களின்
பெற்றோர்களை விட திறமையும்,
புத்திசாலித்தனமும் அதிகம்.
பள்ளியில் கல்வி தரம்
நாளுக்கு நாள் உயர்ந்து வரும்
வேளையில், குழந்தைகள்
தங்கள் வயதிற்கு மீறிய
அறிவுக்கூர்மையை வெளிபடுத்த
தொடங்குகிறார்கள்.
அறிவுகூர்மை, அதீத
புத்திசாலித்தனம்,
வியப்பூட்டும் செயல்திறன் என
குழந்தைகளிடம் என்னதான்
பாராட்டுக்குரிய நற்பண்புகள்
இருந்தாலும் அவர்கள் நல்ல
குணமுடைய மனிதர்களாக
வளர்வது பெற்றோரின் கையில்
தான் இருக்கிறது.
உங்கள் செல்ல
குழந்தை பணிவான,
நற்குணமுடைய குழந்தை என
அனைவரிடமும் பேர் வாங்க
வேண்டுமென்றால் நீங்கள் சில
குறிப்புகளை பின்பற்ற
வேண்டியிருக்கும்
திடமாக இருங்கள் -
குழந்தை தவறு செய்துவிட்டால்,
நீங்கள் கண்டிக்கும்
போது உங்களின்
நோக்கத்தை அவர்களுக்கு புரிய
வையுங்கள்.
இன்னொரு முறை அதே தவறை செய்யாத
விதத்தில்
உங்களது நடவடிக்கை இருக்க
வேண்டும்.
நிதானமாக இருங்கள் -
குழந்தையை திருத்தும்
போது வன்மையான
சொற்களை பயன்படுத்தாதீர்கள்.
எது சரி எது தவறு என்பதை பொறுமையாக
எடுத்து கூறுங்கள்.
எடுத்துகாட்டாக இருங்கள் -
பெற்றோர் ஒழுக்கத்துடனும்,
நற்பண்புகளுடனும்
இருந்தாலே பிள்ளைகள்
அவர்களை எடுத்துகாட்டாக
நினைத்து பின்பற்றி வருவார்கள்.
பரிசளியுங்கள் - உங்கள்
குழந்தைகள் உங்கள்
சொல்படி நடக்கும்போது,
அவர்களை பாராட்டும் விதத்தில்
பரிசளியுங்கள். இது அவர்கள்
தொடர்ந்து நல்ல
வழக்கங்களை பின்பற்ற உதவும்.
" எந்த குழந்தையும் நல்ல
குழந்தைதான் மண்ணில்
பிறக்கையிலே, அவன் நல்லவன்
ஆவதும் தீயவன் ஆவதும்
அன்னை வளர்கையிலே",
என்பதை போல
குழந்தைகளுக்கு நற்பண்புகளை சிறு வயதிலிருந்தே கற்றுகொடுத்
பிற்காலத்தில் அவர்களின்
வாழ்க்கைக்கு அது புது அர்த்தத்தை அளிக்கும்
என்பதில் எந்த ஐயமுமில்லை.

Thanks...
http://tamil.webdunia.com/article/child-rearing-feature/குழந்தைகள்-உங்கள்-சொல்படி-நடக்கவேண்டுமா-113011100039_1.htm

குழந்தைகளை சாப்பிட வைப்பது எப்படி?

சாப்பிடாமல் அடம் பிடிப்பது குழந்தைகளின் சுபாவம். அதை மாற்ற முடியாமல் திண்டாடுவது அம்மாக்களின் சுபாவம் என்றாகிவிட்டது. அடம் பிடிக்கும் குழந்தைகளை ஊட்டச்சத்து மிக்க உணவு வகைகளை சாப்பிட வைப்பது சுலபமானதல்ல. 

பள்ளியும் கல்வியும் சுமையா, அல்லது சுகமா?

பள்ளியும் கல்வியும் சுமையா, அல்லது சுகமா?
இக்கேள்வியை பள்ளிக் குழந்தையைக் கேட்டால் "சுமை' என்ற பதில் நெத்தியடியாக வரும்.
பள்ளிக்குச் செல்வதும் படிப்பதும் சுகமானதாக இருக்க வேண்டும் என்பதுதான் பெற்றோர், கல்வியாளர்கள், குழந்தை மருத்துவர்கள், மனநல ஆலோசகர்கள் போன்ற பலதரப்பட்டவர்களின் எதிர்பார்ப்பு. இதில் பள்ளியில் பாடத் திட்டம், ஆசிரியர்கள், தேர்வு முறை, குழந்தையின் ஒட்டு மொத்த அறிவு வளர்ச்சிக்கான வாய்ப்புகள், தனித்தன்மையை வெளிக் கொணர்தல், தேவைப்படும் காலகட்டத்தில் ஒரு சில குழந்தைகளுக்கு தனிக் கவனம் ஆகிய எல்லாமும் அடங்கும். இவை ஒவ்வொன்றும் முக்கியம்!

பெற்றோரிடம் பேசத்தயங்கும் பிள்ளைகள்!

இன்றைய இளைஞர்கள் அறிவியல், தகவல் தொடர்பு மற்றும் தொழில் ட்பம் போன்ற பல்வேறு துறைகளில் வேக வேகமாக முன்னேறி வருகின்றனர். பல்வேறு திறமைகளை கைவசம் கொண்ட அவர்களுக்கு தங்கள் சொந்த பிரச்சினைகள் மட்டும் பூதாகரமாக இருப்பது ஏன்? இன்றைய தலைமுறையை சிக்கலுக்குள்ளாக்கும் கேள்வி இதுதான்.

நவீன தலைமுறையினருக்கு தங்களது பிரச்சினைகளை பெற்றோர்களிடம் ஏன் வெளிப்படையாக தெரிவிக்க முடியவில்லை...இதற்கு என்ன காரணம்? அப்படியே திக்கித்திணறி தெரிவித்தாலும் கூட அவை பெரும்பாலும் தோல்வியில் தான் முடிகின்றன. இதற்கு என்னதான் காரணம்?

ஜெயித்தால் பாராட்டுங்கள்; தோற்றால் தட்டிக்கொடுங்கள்!

விரல் சப்புவது என்பது குழந்தைகளின் தவிர்க்க முடியாத ஒரு செயலாக உள்ளது. அப்படி விரல் சப்பினால் குழந்தையின் பல் உயர்ந்துவிடும் என்று பயப்படும் பெற்றோர், அக்குழந்தையை அடிக்காத குறையாக கண்டிக்கும் நிலைக்கு ஆளாகி விடுகிறார்கள்.
சமீபத்தில் நடத்தப்பட்ட ஆய்வு ஒன்றில் 58.3 சதவீத பெற்றோர், தங்கள் குழந்தைகள் விரல் சப்பினால் கோபத்தில் சட்டென்று பிடித்து இழுத்துவிடுவதாக கூறினார்கள். அதே ஆய்வில், 18.8 சதவீத பெற்றோர், குழந்தையின் கை சப்பும் பழக்கத்தை தவிர்க்க, அக்குழந்தையின் கை விரல்களில் கசப்பு மருந்தை தடவி விட்டதை ஒப்புக் கொண்டுள்ளனர். 9.6 சதவீதம் பேர் விரல் சப்பும் தங்கள் குழந்தையை அடிப்பதாக குறிப்பிட்டுள்ளனர்.

குழந்தைகளுக்கும் அவசியம் உடற்பயிற்சி !

கடந்த ஆண்டை விட இந்த ஆண்டு, எல்லா துறைகளும் சிறப்பாக அமைய வாய்ப்பு உள்ளது. வேலைவாய்ப்பு, சம்பளம், சந்தர்ப்பங்கள், பொருளாதாரம் என, எதிலும் ஏற்றம் காணப்படுகிறது. எனவே, ஆரோக்கியத்தில் மக்கள் கவனம் செலுத்தும் நேரம் வந்து விட்டது. உடற்பயிற்சி செய்வது ஒன்றே, ஆரோக்கியத்திற்கான சிறந்த வழி. "உடற்பயிற்சியை எப்படி துவங்குவது. 100 மீட்டர் எல்லாம் என்னால் நடக்க முடியாது' என, மக்கள் சொல்வது தெரிகிறது. சிறு வயது முதலே, நடைபயிற்சியை துவங்க வேண்டும்.

மாணவர்களுக்கு நினைவாற்றல் மேம்பட

"பரீட்சைக்கு நல்லாத்தான் படிச்சேன். ஆனா தேர்வு அறைக்குள்ள நுழைஞ்சு வினாத்தாளை வாங்கிய உடனே எதுவுமே ஞாபகத்துக்கு வர மாட்டேங்குது. படிச்சது எல்லாம் மறந்து போகுது" என்று புலம்பும் மாணவச் செல்வங்கள் ஏராளம்.
"நினைவாற்றல் என்பது எல்லோருக்கும் பொதுவானதே. எல்லோருடைய மூளைக்குள்ளும் ஒரு நூலகம் போன்ற நினைவு அடுக்குகள் செயல்பட்டுக் கொண்டிருக்கிறது. அதில் நீங்கள் தகவல்களை சேமிக்கும் முறையை வைத்து, உங்கள் நினைவுத்திறன் அமைகிறது" என்று விஞ்ஞானம் சொல்கிறது.

குழந்தைகளிடம் ஆற்றலை வளர்க்கலாம் ஆனந்தமாய்...

12 வயதான அந்த சிறுமி மிகுந்த மன அழுத்தத்திற்கு உள்ளாகியிருந்தாள். பள்ளிக்கு செல்வதற்கும், சாப்பிடுவதற்கும் அடம் பிடித்தாள். தோழிகளிடம் பேசு வதையும் குறைத்து தன்னை தனிமைப்படுத்திக்கொள்ளத் தயாரானாள். ஒரு கட்டத்தில் அவள் வாயில் இருந்து, `எனக்கு இந்த வீட்டில் இருக்கவே பிடிக்க வில்லை. எங்கேயாவது போயிடலாமான்னு தோன்றுகிறது' என்ற வார்த்தை வர, பெற்றோர் அடுத்து ஏதோ விபரீதம் நடக்கப்போகிறது என்று பயந்து விட்டார்கள்.

குழந்தைகளின் உணவு

ஒரு வயதுக்கு மேல் குழந்தைகளின் உணவு முறையில் நிறைய மாற்றங்கள் தேவைப்படும்.  இதனால் குழந்தையின் வளர்ச்சி சீராக இருக்கும்.  சிலர் குழந்தைகள் சாப்பிடுவதில்லை என்று கவலைப்படுவார்கள்.  முதலில் அதற்கு என்ன காரணம் என்பதை அறிந்துகொள்ளுங்கள்.
பொதுவாக குழந்தைகள் அழுது கொண்டிருக்கும் போதோ, கோபத்தில் இருக்கும் போதோ அவர்களுக்கு உணவு கொடுப்பதை தவிர்க்க வேண்டும்.  பெரியவர்களாகிய நாமே கோபத்தில் உள்ளபோது உண்ண மாட்டோம்.  குழந்தைகளும் இதற்கு விதிவிலக்கல்ல.
குழந்தை சாப்பிடவில்லையென்றால் உடனே குழந்தையை சில தாய்மார்கள் மிரட்டுவார்கள்.  சிலர் பயம் காட்டுவார்கள்,  சிலர் அடித்து சாப்பாடு ஊட்டுவார்கள்.

தூங்கு செல்லம் தூங்கு...

தூக்கத்தில்தான் குழந்தையின் மனமும், உடலும் வேகமாக வளர்கிறது. உங்கள் செல்லக் குழந்தைகளும் சுகமாக தூங்கி, ஆரோக்கியமாக வளர இந்த வழிகளை கடைபிடிக்கலாம்...

* குழந்தைகள் தூங்குவதற்கான முன்னேற்பாடுகள் அவசியம். படுக்கை அறை வெளிச்சம் குறைவான இடமாகவும், எந்தவித சத்தமும் தூக்கத்திற்கு இடைறு செய்யாத இடமாகவும் இருக்க வேண்டும். அதிகம் வெப்பமான அறையாக இருக்கக் கூடாது. காற்றோட்டமாகவும் இருக்க வேண்டும்.

* படுக்கை மெத்தை மற்றும் குழந்தைகள் தூங்கும்போது உடுத்தியிருக்கும் துணி போன் றவை சுத்தமாகவும், ஈரமின்றியும் இருக்க வேண் டும். படுக்கை அறை மற்றும் குழந்தையின் உடல் ஈ, எறும்பு மற்றும் பூச்சிகள் நெருங்கி வர வாய்ப்பில்லாதவாறு சுத்தமாக இருக்க வேண்டும்.

* குழந்தைகள் உறங்கும்போது அமைதியை காத்து அசவுகரியங்களை களைவதில் கவனம் செலுத்துங்கள்.

* தாய்மார்கள் தங்கள் குழந்தை தூங்கும் நேரத்தை அறிந்து வைத்திருப்பார்கள். சில அறி குறிகளை வைத்து குழந்தைகள் தூங்க ஆயத்த மாகிறது என்பதை கண்டுகொள்வர். குழந்தை கள் விளையாட்டை நிறுத்தி கண்களை கசக்கத் தொடங்கினால் உறக்கம் கண்ணைக் கட்டுகிறது என்று அர்த்தம். அப்போது குழந்தைகளுக்கு கொட்டாவி வரலாம். சில குழந்தைகள் திடீ ரென்று அர்த்தமில்லாமல் அழத் தொடங்கும். இன்னும் சில குழந்தைகள் அம்மாவின் இடுப்பு, தோளில் இருந்தபடியே தூங்கி வழியத் தொடங்கும். இவையெல்லாம் தூக்கத்தின் அறிகுறிகள். இவற்றை கண்டு உணரும் தாய்மார்கள் லேசாக தாலாட்டைப் பாடி தொட்டில் அல்லது பாயில் கிடத்தினால் குழந்தை ஆழ்ந்த உறக்கத்திற்கு சென்றுவிடும்.

* சுழற்சி முறையில் சரியான நேரத்திற்கு உறங்கச் செல்கிறதா என்று கவனியுங்கள். குழந்தைகள் பிறந்த சில மாதங்களை தூங்கியேதான் கழிக்கும். பால் குடிக்கும் நேரத்தில் கூட அரைகுறை தூக்கத்தில்தான் இருக்கும். முழித்திருப்பது, விளையாடும் நேரம் மிகக்குறுகியதாகவே இருக்கும். இந்த வேளைகளை தவிர்த்து சரியான இடைவெளியில் குழந்தைகள் தூங்க செல்கிறதா? என்பதில் பெற்றோர் கவனம் வைக்க வேண்டும். சரியான நேரத்திற்கு உணவு புகட்டி உறங்க வைக்க வேண்டும்.

* குழந்தைகள் தூங்கும் சூழல் எப்போதும் ஒன்றுபோல் இருக்கும்படி பார்த்துக் கொள்ள வேண்டும். தொட்டிலில் போடுவது, சப்தம் எழுப்பும் பொம்மைகளுடன் கிடத்துவது, தாலாட்டு பாடுவது, தட்டிக் கொடுத்து தூங்க வைப்பது என்று எந்த சூழலில் குழந்தை தூங்கப் பழகுகிறதோ, அந்தச் சூழல் தினமுமகிடைக்குமாறு பார்த்துக் கொள்ள வேண் டும். அதேபோல தினமும் கதைசொல்லி, பாட்டுப்பாடி தூங்க வைத்துவிட்டு திடீரென்று அவைகளை நிறுத்தி விடுவதுகூட குழந்தையின் தூக்கத்திற்கு இடைறாக அமையும் என்பதை மறந்துவிடாதீர்கள்.

* குழந்தை வயிற்றுக்கு சாப்பிட்ட பிறகும், நன்கு குளிப்பாட்டிய பிறகும் தூங்க வைத்தால் நிம்மதியான ஆழ்ந்த உறக்கத்தைப் பெறும். குழந்தை தூங்கத் தொடங்கிய பிறகும் கதை சொல்வதைத் தொடரக்கூடாது. தொட்டிலை ஆட்டவும் கூடாது.